Ftesë Publike për Aplikim…
Ftesë Publike për Aplikim Ftohen gratë, personat me aftësi të kufizuara dhe kujdestarët/e e tyre të aplikojnë për trajnime, mentorim, zhvillim të agrobiznesit dhe shërbime mbështetëse gjithëpërfshirëse Syri i Vizionit fton gratë, personat me aftësi të kufizuara dhe kujdestarët/e e personave me aftësi të kufizuara nga komunat e Pejës, Istogut, Klinës, Gjakovës, Deçanit, Junikut dhe Rahovecit të aplikojnë për t’u bërë pjesë e projektit:“Seeds of Inclusion in Kosovo: Bujqësi e Qëndrueshme, Punësim dhe Shërbime të Përmirësuara të Kujdesit për Gratë dhe Personat me Aftësi të Kufizuara” Aplikoni online: https://docs.google.com/forms/d/1VGeb_UvXyXHzZj4z6b4-ug3JjaJ6ddA9-dATFxz5k3o/viewform?edit_requested=true 🔗 Postimi origjinal në Facebook
Të nderuar,…
Të nderuar, Ju njoftojmë se grumbullimi i mbeturinave të riciklueshme në lagjet “Agim Ramadani” dhe “7 Shtatori”, i planifikuar të realizohet ditën e enjte, shtyhet për ditën e premte. Ky ndryshim bëhet për shkak të vizitës dhe inspektimit në terren nga përfaqësuesit e GIZ-it Gjerman. Ju falënderojmë për mirëkuptimin dhe bashkëpunimin! 🔗 Postimi origjinal në Facebook
Dita e Gështenjës në Junik, festë e traditës, natyrës dhe mikpritjes…
Dita e Gështenjës në Junik, festë e traditës, natyrës dhe mikpritjes Mes bukurive natyrore të Junikut, ngjyrave të arta të vjeshtës dhe aromës së gështenjave, u shënua festa tradicionale „Dita e Gështenjës“, e organizuar nga Komuna e Junikut në bashkëpunim me CNVP Kosova. Festa mblodhi qytetarë, mërgimtarë dhe mysafirë të shumtë, duke promovuar traditën, kulturën dhe pasuritë natyrore të Junikut. Kryetari i Komunës, z. Ruzhdi Shehu, theksoi rëndësinë e kësaj feste për ruajtjen e vlerave tradicionale dhe promovimin e potencialeve të trevës. Në panairin „Taste of Junik“ u prezantuan produkte dhe vlera të veçanta vendore, përfshirë mollët, gështenjat, turshitë, mjaltin, veshjet kombëtare, si dhe fotografi të faunës së egër nga fotografi z. Berlim Gjoci. Atmosferën festive e pasuruan interpretimet e shkëlqyera muzikore të tenorit të njohur Shkodran Tolaj dhe bashkëshortes së tij, artistes Besiana Mehmeti, Kënaqësi e veçantë ishte edhe vallëzimi i grupit të shkollës, i cili solli gjallëri dhe bukuri artistike në këtë organizim. „Dita e Gështenjës“ mbetet një festë që bashkon njerëzit rreth traditës, natyrës dhe mikpritjes junikase, duke promovuar vlerat që e bëjnë Junikun të veçantë. 🔗 Postimi origjinal në Facebook
Edhe sot, gjatë ditës dhe në orët e mbrëmjes, isha në terren në rrugën Junik – G…
Edhe sot, gjatë ditës dhe në orët e mbrëmjes, isha në terren në rrugën Junik – Gjeravicë, ku po vazhdojnë me intensitet punimet drejt përfundimit të segmentit të fundit deri te „Lugu i Gjatë“. Punët për Junikun nuk ndalen, as ditën e as natën! Vazhdojmë! 🔗 Postimi origjinal në Facebook
Të dashur qytetarë të Junikut,…
Të dashur qytetarë të Junikut, Dje shënuam një moment shumë të rëndësishëm për komunën tonë me finalizimin e ndërhyrjeve për efiçiencën e energjisë në 5 ndërtesa publike, në kuadër të projektit EFFORT. 🏢🌱 Nga objekti i Komunës, shkollat tona e deri te Qendra Kryesore e Mjekësisë Familjare, kemi realizuar izolimin termik, përmirësimin e sistemeve të ngrohjes dhe ftohjes, si dhe instalimin e pompave të nxehtësisë. Përveç krijimit të kushteve shumë më të mira për nxënësit, pacientët dhe punonjësit, ky investim në vlerë prej rreth 540,000 eurosh do t’i kursejë buxhetit të Komunës së Junikut 50,000 euro në vit dhe do të ulë ndjeshëm emetimet e dioksidit të karbonit, duke e vendosur energjinë e rinovueshme dhe mbrojtjen e mjedisit në qendër të punës sonë dhe të ndërgjegjësimit të komunitetit. Ishte kënaqësi e veçantë të prisnim në Junik miqtë dhe partnerët tanë, me të cilët pamë nga afër punimet e realizuara. Falënderoj përzemërsisht Kryetarin e Bashkisë Mirditë, z. Albert Mëlyshi, Drejtuesen e Sektorit të Bashkëpunimit në Delegacionin e Bashkimit Evropian në Shqipëri, znj. Ritva Heikkinen, Drejtoreshën Ekzekutive të Co-PLAN, znj. Anila Bejko, si dhe të gjithë përfaqësuesit e institucioneve qendrore e lokale nga Kosova dhe Shqipëria për praninë dhe mbështetjen e tyre të vazhdueshme. Ky projekt zbatohet në partneritet mes Komunës së Junikut, Bashkisë Mirditë dhe Co-PLAN (Instituti për Zhvillimin e Habitatit), me financim nga Bashkimi Evropian përmes Programit të Bashkëpunimit Ndërkufitar IPA Shqipëri–Kosovë. 🇽🇰🤝🇦🇱🇪🇺 Vazhdojmë me punë konkrete për një Junik më modern, më të gjelbër dhe me shërbime sa më cilësore për secilin prej jush! Ruzhdi Shehu Kryetar i Komunës së Junikut 🔗 Postimi origjinal në Facebook
Komuna e Junikut i bashkohet fushatës kundër trafikimit me njerëz…
Komuna e Junikut i bashkohet fushatës kundër trafikimit me njerëz Komuna e Junikut i bashkohet fushatës vetëdijësuese për parandalimin e trafikimit me njerëz, me qëllim të ngritjes së vetëdijes për këtë dukuri, mbrojtjes së të drejtave të njeriut dhe promovimit të rëndësisë së parandalimit dhe raportimit të rasteve të dyshuara. Fushata synon të rrisë informimin e qytetarëve për rreziqet e trafikimit me njerëz, me vëmendje të veçantë ndaj mbrojtjes së fëmijëve dhe personave në situata të cenueshme. Mesazhi i fushatës: “Trafikimi prekë të gjithë! Ta mbrojmë veten dhe fëmijët tanë! MOS HESHT! Parandalo trafikimin me njerëz – RAPORTO! 080011112 ose 192 🔗 Postimi origjinal në Facebook
Të nderuar,…
Të nderuar, Komuna e Junikut ka kënaqësinë të ju ftojë të merrni pjesë në manifestimin tradicional “Dita e Gështenjës”, i cili organizohet edhe këtë vit me qëllim të promovimit të vlerave natyrore, kulturore dhe turistike të komunës së Junikut. Organizimi mbahet më datën 27 tetor 2026, në ora 11:00, te Valavica e Junikut. Ky manifestim, tashmë i konsoliduar si një traditë e rëndësishme për komunën tonë, synon të ruajë dhe të promovojë trashëgiminë lokale, të pasqyrojë potencialet zhvillimore të zonës dhe të forcojë bashkëpunimin në funksion të zhvillimit te komunitetit. Në këtë frymë, pjesëmarrja juaj do të ishte nder dhe kënaqësi për ne, duke i dhënë rëndësi të veçantë këtij organizimi dhe duke kontribuar në mbështetjen e iniciativave që promovojnë vlerat dhe potencialet e vendit tonë. Mirë se vini në Junikun e Traditës dhe Kulturës! 🔗 Postimi origjinal në Facebook
NJOFTIM PËR VAKSINIMIN KUNDËR GRIPIT SEZONAL…
NJOFTIM PËR VAKSINIMIN KUNDËR GRIPIT SEZONAL Qendra Kryesore e Mjekësisë Familjare (QKMF) në Junik njofton qytetarët se nga sot ka filluar vaksinimi kundër gripit sezonal. Ftohen veçanërisht personat mbi moshën 65-vjeçare dhe personat me sëmundje kronike që të paraqiten për vaksinim, me qëllim të mbrojtjes së shëndetit dhe parandalimit të komplikimeve nga gripi sezonal. QKMF Junik – Për shëndetin dhe mirëqenien e qytetarëve! 🔗 Postimi origjinal në Facebook
Sot, në Komunën e Junikut, nën udhëheqjen e kryesuesit z. Leonard Llolluni, u mb…
Sot, në Komunën e Junikut, nën udhëheqjen e kryesuesit z. Leonard Llolluni, u mbajt mbledhja e rregullt e Komitetit për Politikë dhe Financa (KPF). Në këtë takim u shqyrtuan dhe u miratuan në lexim të dytë tri dokumente me peshë strategjike për të ardhmen e komunës: Strategjia për Zhvillim Ekonomik Lokal 2026–2033, Plani për Menaxhimin e Tokave Rurale 2026–2030, si dhe Plani Zhvillimor i Arsimit 2026–2030. Pjesë e rëndësishme e rendit të ditës ishte edhe shqyrtimi i Raportit Financiar të Komunës së Junikut për periudhën Janar – Shtator 2026, ku u pasqyrua dinamika e shpenzimeve dhe e të hyrave buxhetore. Pas diskutimeve konstruktive, të gjitha pikat e miratuara u proceduan zyrtarisht për shqyrtim dhe vendimmarrje në seancën e radhës të Kuvendit Komunal. 🔗 Postimi origjinal në Facebook
Kryetari i Komunës së Junikut, z. Ruzhdi Shehu, priti sot në takim në ambientet …
Kryetari i Komunës së Junikut, z. Ruzhdi Shehu, priti sot në takim në ambientet e komunës Komandantin e Komandës Rajonale të Perëndimit (RC-W) të misionit të KFOR-it të udhëhequr nga NATO, Kolonel Giuseppe De Blasi. Gjatë këtij takimi konstruktiv, u theksua rëndësia e bashkëpunimit të ngushtë mes institucioneve komunale, komunitetit lokal dhe KFOR-it, duke vlerësuar lart angazhimin dhe punën e përbashkët si një ekip i vetëm në shërbim të qytetarëve dhe sigurisë në Komunën e Junikut. 🔗 Postimi origjinal në Facebook
