Kuvendi i Komunës së Junikut mbajti mbledhjen e nëntë të rregullt për vitin 2026 Kuvendi i Komunës së Junikut ka mbajtur sot mbledhjen e nëntë (IX) të rregullt për vitin 2026, nën drejtimin e Kryesuesit të Kuvendit, z. Leonard Llolluni. Në kuadër të kësaj seance, anëtarët e Kuvendit shqyrtuan çështje që lidhen me planifikimin dhe zhvillimin e komunës, menaxhimin financiar, arsimin dhe fushat e tjera të përgjegjësive institucionale. Pjesë e diskutimeve dhe shqyrtimit ishin Strategjia për Zhvillim Ekonomik Lokal 2026–2033, në lexim të dytë, Plani për Menaxhimin e Tokave Rurale 2026–2030, në lexim të dytë, si dhe Plani Zhvillimor i Arsimit në Komunën e Junikut 2026–2030, po ashtu në lexim të dytë. Gjithashtu, në rendin e ditës u përfshinë Raporti Financiar i Komunës për periudhën janar–shtator 2026 dhe Plani Komunal për Riintegrimin e Qëndrueshëm të Personave të Riatdhesuar dhe Integrimin e të Huajve 2026–2028. Në fillim të seancës u trajtua...

Është mbajtur takimi konsultativ në kuadër të dëgjimit publik për plotësim-ndryshimin e Rregullores për Kushtet, Kriteret dhe Procedurat e Ndarjes së Subvencioneve. Gjatë takimit, nënkryetari i Komunës, z. Besart Tofaj, paraqiti nenet që parashihet të shtohen në këtë rregullore, të cilat kanë për qëllim: 1. Subvencionet për gratë lehona. 2. Subvencionet për mbulimin e shpenzimeve të varrimit. Gjatë diskutimit u prezantuan propozime dhe komente nga të pranishmit, të cilat do të shqyrtohen në kuadër të procesit të plotësim-ndryshimit të rregullores. Komuna e Junikut fton të gjithë qytetarët e interesuar që të kontribuojnë me propozimet dhe komentet e tyre deri më 05.11.2026, në mënyrë që ato të shqyrtohen para finalizimit të këtij dokumenti. 🔗 Postimi origjinal në Facebook

Ftesë Publike për Aplikim Ftohen gratë, personat me aftësi të kufizuara dhe kujdestarët/e e tyre të aplikojnë për trajnime, mentorim, zhvillim të agrobiznesit dhe shërbime mbështetëse gjithëpërfshirëse Syri i Vizionit fton gratë, personat me aftësi të kufizuara dhe kujdestarët/e e personave me aftësi të kufizuara nga komunat e Pejës, Istogut, Klinës, Gjakovës, Deçanit, Junikut dhe Rahovecit të aplikojnë për t’u bërë pjesë e projektit:“Seeds of Inclusion in Kosovo: Bujqësi e Qëndrueshme, Punësim dhe Shërbime të Përmirësuara të Kujdesit për Gratë dhe Personat me Aftësi të Kufizuara” Aplikoni online: https://docs.google.com/forms/d/1VGeb_UvXyXHzZj4z6b4-ug3JjaJ6ddA9-dATFxz5k3o/viewform?edit_requested=true 🔗 Postimi origjinal në Facebook