Të dhënat personale

Data e lindjes: 16 Nëntor 1997

Vendlindja: Junik, Kosovë

Shkollimi: Universitar

Drejtimi: Juridik

Gjuhë të huaja: Angleze

Kompetencat e Drejtorisë së Administratës së Përgjithshme

• Është përgjegjëse për fushën administrative në tërë Komunën e Junikut.
• Koordinon dhe menaxhon ofrimin e shërbimeve dhe është përgjegjëse për zbatimin e legjislacionit në fuqi në kuadër të pushtetit lokal.
• Harton, planifikon, mbikëqyr dhe menaxhon buxhetin dhe financat e drejtorisë.
• Është përgjegjëse për zbatimin e Rregullores mbi Shërbimin Civil nr. 2001/36 dhe Urdhëresës Administrative nr. 2003/02.
• Është përgjegjëse për hartimin, menaxhimin dhe zbatimin e projekteve që lidhen me fushëveprimin e drejtorisë, si dhe ofron shërbime të nevojshme administrative në këtë sferë.
• Ushtron përgjegjësitë që i përcaktohen me Ligjin për Vetëqeverisjen Lokale, Statutin e Komunës dhe aktet tjera nënligjore.
• Udhëheq me bibliotekën ligjore.
• Udhëheq me Qendrën për Shërbime të Qytetarëve.
• Kujdeset për mirëmbajtjen e teknologjisë informative.
• Udhëheq shërbimin e përkthimeve në gjuhët zyrtare.
• Kujdeset për shërbimet postare, recepsionin dhe orientimin e palëve nëpër zyrat e Administratës Komunale.
• Kujdeset për shërbimet e sigurimit dhe mirëmbajtjen e objekteve.
• Shqyrton paraprakisht peticionet e drejtuara Komunës, vlerëson vlefshmërinë e tyre në pajtim me ligjin dhe del me propozime konkrete në Kuvend.
• Mbikëqyr punën e Zyrës për pranim dhe shpërndarje të mallrave, shërbimeve dhe depos.
• Organizon logjistikën që përfshin transportin, veturat zyrtare dhe menaxhimin e tyre.
• Menaxhon pasurinë në kuadër të Drejtorisë së Administratës së Përgjithshme.
• Harton planin dhe listën e shenjave të klasifikimit të organeve komunale.
• Harton planin për rregullimin, arkivizimin dhe asgjësimin e vulave.
• Formon komisione ad hoc për çështje që rrjedhin nga kompetencat e drejtorisë.

Të dhënat personale

Data e lindjes: 25.07.2001

Vendlindja: Gjakovë, Kosovë

Shkollimi: Universiteti “Haxhi Zeka”, Pejë

Drejtimi: Menaxhimi në Turizëm dhe Hoteleri

Gjuhë e huaj: Angleze

Kompetencat e Drejtorisë për Buxhet dhe Financa

• Ndihmon Kryetarin e Komunës në përgatitjen e projektbuxhetit, para paraqitjes së tij në Komitetin për Politikë dhe Financa dhe Kuvendin e Komunës.
• Harton planin dinamik të realizimit të projekteve dhe alokimit të mjeteve për zërat buxhetorë.
• Planifikon pasqyrën e rrjedhjes së parasë së gatshme.
• Ofron këshilla profesionale për organet komunale lidhur me menaxhimin e buxhetit.
• Mbikëqyr procedurat dhe shpenzimin e mjeteve buxhetore.
• Pranon raportet mujore për dinamikën e realizimit të projekteve nga drejtoritë dhe nga Zyra e Prokurimit.
• Përgatit raporte buxhetore sipas nevojës.
• Harton projekt-rregullore komunale për çështje financiare.
• Udhëheq çështjet financiare të Komunës.
• Është përgjegjëse për mbajtjen e llogarive dhe raporteve vjetore financiare.
• Është përgjegjëse për mbikëqyrjen dhe monitorimin e sistemeve dhe procedurave për ekzekutimin e buxhetit.
• Përgatit procedurat dhe raportet e kontabilitetit.
• Jep këshilla profesionale nga fusha e buxhetit për organet komunale.
• Planifikon dhe përcakton obligimet, në bazë të rregulloreve komunale, të subjekteve të caktuara në Komunë, shkallën e ngarkesës, tarifat nga lëmi i tatimit në pronë, taksave dhe gjobave komunale.
• Planifikon të hyrat vetanake të Komunës.
• Evidenton të gjitha të hyrat tjera.

Struktura organizative

Drejtoria për Buxhet dhe Financa operon me dhjetë punëtorë, të ndarë në këta sektorë:

• Sektori për Buxhet
• Sektori për Financa
• Sektori i Tatimit në Pronë

Sektori për Buxhet

• Shefi i sektorit – Zyrtari Shpenzues
• Zyrtari Certifikues
• Aprovuesi i Shpenzimeve

Sektori për Financa

• ZKF (Zyrtari Kryesor Financiar)
• Zyrtari Zotues
• Zyrtari për të Hyra

Sektori i Tatimit në Pronë

• Menaxheri i Tatimit në Pronë
• Operatori për Futjen e të Dhënave
• Anketuesi
• Zyrtari për Vlerësimin e Pronës së Paluajtshme

Të dhënat personale

Data e lindjes: —–

Vendi i lindjes: —–

Shkollimi:—-

Drejtimi: —–

Gjuhë të huaja: —-

Kompetencat e Drejtorisë për Ekonomi dhe Zhvillim

Sektori për Zhvillim Strategjik dhe Turizëm

• Harton plane për zhvillim të qëndrueshëm ekonomik të Komunës.
• Harton plane për shfrytëzimin e burimeve ekonomike brenda Komunës.
• Krijon kushte të qëndrueshme për zhvillimin e ndërmarrjeve të vogla dhe të mesme.
• Harton planin strategjik të zhvillimit të turizmit, në harmoni me planin global strategjik të zhvillimit ekonomik të Komunës.
• Në harmoni me Ligjin për Veprimtaritë Hoteliere dhe Turistike, bën promovimin e turizmit brenda territorit të Komunës.
• Kryen edhe punë tjera nga kompetenca e Komunës në fushën e zhvillimit ekonomik.
• Koordinon aktivitetet për implementimin e Planit Zhvillimor Komunal.
• Implementon strategjinë për zhvillim ekonomik lokal në bashkëpunim me sektorët tjerë të Komunës, grupet e biznesit dhe grupet tjera të interesit.
• Harton plane për zhvillime sektoriale në turizëm dhe trashëgimi kulturore.
• Përgatit materiale promovuese për marketing, me qëllim tërheqjen e investitorëve dhe turistëve.
• Azhurnon bazën e të dhënave me projektet zhvillimore sipas afateve të implementimit dhe prioriteteve.
• Ofron konsulencë për lehtësimin e kushteve të afarizmit për NVM-të.
• Krijon bazën e të dhënave mbi numrin, llojin dhe lokacionin e bizneseve në territorin e Junikut.
• Përgatit vendime për caktimin e taksës vjetore për biznese sipas llojit dhe përcjell inkasimin e obligimeve.
• Përgatit raporte dhe informata për drejtorin, organet komunale dhe ministritë e linjës.

Sektori për Bujqësi dhe Pylltari

• Koordinon punët me sektorët e drejtorisë.
• Organizon takime me karakter informues dhe këshillues me fermerët.
• Krijon bazën e të dhënave për sipërfaqen e tokës sipas bonitetit dhe kulturave bujqësore.
• Ofron ndihmë profesionale në aplikimet e fermerëve për donacione të ndryshme.
• Përpilon raportin e punës me të arriturat dhe sfidat.
• Azhurnon bazën e të dhënave për blegtorët (numrin dhe llojin e kafshëve).
• Krijon planin e veprimit për sektorin e pylltarisë në përputhje me planin strategjik kombëtar.
• Koordinon aktivitetet dhe evidenton veprimet e zyrtarëve të pylltarisë.
• Koordinon aktivitetet në mbrojtjen e pyjeve me stacionin policor në Junik dhe me APK-në.
• Raporton në baza periodike dhe sipas nevojës lidhur me ecurinë e aktiviteteve.
• Njofton drejtorin dhe Kryetarin për situatën në pylltari dhe propozon masa konkrete.
• Koordinon punët me APK-në dhe komunat Deçan dhe Gjakovë për mbrojtjen e pyjeve.
• Organizon kryerjen e damkimit të trungjeve sipas kërkesave të pronarëve të pyjeve private.
• Kontrollon operatorët e caktuar për prerje nëse i përmbahen lejes së lëshuar.
• Konfiskon masën drusore të prerë në mënyrë ilegale pa dokumente përcjellëse.
• Ngrit dhe udhëheq procedurat ndaj prerësve ilegalë të masës drusore.
• Propozon plane për pastrimin e ngastrave pyjore dhe ripyllëzimin e tyre.

Të dhënat personale

Data e lindjes: 11 mars 1956

Vendi i lindjes: Junik, Kosovë

Shkollimi: Universitar

Drejtimi: Makineri

Gjuhë të huaja: Serbisht

Sektorët në kuadër të drejtorisë

Në kuadër të kësaj drejtorie themelohen sektorët me emërtimet në vijim:

1. Sektori për Urbanizëm
2. Sektori për Kadastër
3. Sektori për Mjedis

Funksionet e drejtorisë

• Zbaton ligjet dhe vendimet tjera të aplikueshme nga fushëveprimi i planifikimit urban.
• Organizon dhe koordinon punët në fushën e planifikimit urban dhe rural.
• Përgatit dhe harton aktet e përgjithshme normative të planifikimit urban dhe rural.
• Bashkëpunon me organet tjera të Komunës gjatë përgatitjes dhe hartimit të planeve hapësinore, urbanistike, planeve rregulluese dhe planeve tjera.
• Bën planifikimin hapësinor dhe urbanistik të Komunës, përkatësisht cakton kushtet për rregullimin e hapësirës.
• Përpunon kërkesat për lëshimin e lejeve të ndërtimit dhe zbaton kushtet urbanistike për realizimin e planit hapësinor, planit urbanistik, planit rregullues, planit të parcelimit, vijës së rregullimit dhe ndërtimit.
• Lëshon leje ndërtimi, përdorimi dhe shfrytëzimi.
• Cakton komisione për mbikëqyrjen e objekteve.
• Jep pëlqime për rregullimin e infrastrukturës komunale.
• Harton plane për vendosjen dhe ndërtimin e objekteve të përkohshme, në përputhje me ligjin, dhe mban evidencën e tyre.
• Përgatit dhe harton rregullore, projekt-vendime, vendime, propozime dhe këshilla profesionale për organet e Kuvendit të Komunës.
• Lidh kontrata me shfrytëzuesit e përkohshëm të tokës ndërtimore, pronë e Komunës.
• Jep të dhëna mbi madhësinë dhe destinimin e ngastrës së caktuar ndërtimore ose kompleksit të saj, si dhe karakteristikat ndërtimore.

Sektori për Kadastër

Sektori për Kadastër kryen punë profesionale dhe shërbime për subjekte të ndryshme:

• Mban evidencën për emërtimin e vendbanimeve, rrugëve, shesheve, si dhe numrat e objekteve dhe shtëpive.
• Është përgjegjës për zhvillimin dhe organizimin e kapaciteteve kadastrale, rrjetin referues homogjen, sigurimin e hartave ORTO FOTO dhe rikonstruktimin e informatave kadastrale në sistemin informativ mbi tokën dhe pronën.
• Kryen vlerësimin e pronës sipas kritereve, standardeve dhe rregulloreve në fuqi.
• Përmirëson transferin e tokës, menaxhimin e tokës shtetërore dhe efikasitetin në taksimin e tokave.
• Planifikon rrjetin me pika të reja kontrolluese dhe themelon pika të reja kontrolluese.
• Kryen digjitalizimin e pikave poligonale dhe trigonometrike, si dhe vektorizimin e planeve të skanuara.
• Azhurnon pjesën grafike në bazë të dokumenteve dhe matjeve të reja, si dhe bën transformimin me parametrat përkatës.
• Kryen ndarjen e ngastrave dhe shënimin e kufijve në rastet e eksproprijimit, si dhe procedurat përkatëse.
• Kryen inspektimin e sipërfaqeve të ndërtesave dhe përpunimin e skicave të ndarjeve për ndërtesa dhe banesa.
• Regjistron pronën e paluajtshme dhe regjistrin e tokës komunale.
• Kryen procedura rreth transaksioneve të pronës shoqërore, si dhe procedura të blerjes dhe shitjes së pronës për Komunën.
• Shqyrton dhe kryen procedurat administrative për kthimin e tokës pronarëve të mëparshëm.
• Mbron pronën komunale nga uzurpimet dhe udhëheq procedurat lidhur me këtë çështje.
• Bën vërtetimin dhe zbaton shitblerjen e pasurisë së paluajtshme.
• Kryen procedurat rreth dhënies së tokës për ndërtim.
• Bën regjistrimin e ndërtesave kolektive dhe organizon mirëmbajtjen e pjesëve të përbashkëta të tyre.
• Udhëheq kadastrën etazh të banesave dhe menaxhon me banesat dhe objektet tjera të Komunës.
• Kryen procedurat për vërtetimin e transaksioneve dhe regjistrimin e tyre në librat etazh.

Sektori për Mbrojtje të Mjedisit

Sektori për Mbrojtje të Mjedisit kryen punë profesionale dhe shërbime për subjekte të ndryshme:

• Përgatit rregullore lokale për kontrollin e mbeturinave dhe hedhurinave brenda territorit të Komunës.
• Harton politika vjetore turistike dhe propozon masa për nxitjen e sektorit privat në arritjen e synimeve të zhvillimit të turizmit.
• Nxit zhvillimin e veprimtarisë turistike.
• Siguron mbështetje për zhvillimin e projekteve në ruajtjen dhe mirëmbajtjen e mjedisit.
• Kujdeset për trajtimin e ujërave të zeza dhe mbeturinave të ngurta, ngritjen e sipërfaqeve të gjelbra, mbrojtjen e atyre ekzistuese dhe vetëdijesimin e popullatës.
• Nxit investimet në fushën e ambientit.

Të dhënat personale

Data e lindjes: 29 Nëntor 1967

Vendlindja: Junik, Kosovë

Shkollimi: Universitar

Drejtimi: Inxhinieri Mekanike – Master

Gjuhë të huaja: Angleze, Serbe, Gjermane

Kompetencat e Drejtorisë për Arsim, Kulturë, Rini dhe Sport

• Menaxhimi dhe koordinimi i arsimit parashkollor, fillor dhe të mesëm në komunë.
• Punësimi i mësimdhënësve dhe personelit tjetër të shkollave në pajtueshmëri me procedurat ligjore të rekrutimit.
• Zgjedhja e drejtorëve dhe zëvendësdrejtorëve të institucioneve në pajtim me kriteret ligjore të përcaktuara nga MASHT-i.
• Pagesa e stafit udhëheqës, stafit profesional dhe personelit tjetër të punësuar në institucionet arsimore.
• Planifikimi dhe koordinimi i zhvillimit të arsimit parashkollor, fillor dhe të mesëm në komunë.
• Mbikëqyrja e të gjitha institucioneve arsimore në nivel komunal.
• Regjistrimi dhe pranimi i nxënësve në pajtim me parimet e mosdiskriminimit.
• Regjistrimi i të dhënave për nxënës sipas formularëve zyrtarë.
• Nxitja e barazisë së mundësive për ndjekjen e arsimit.
• Regjistrimi, inspektimi dhe licencimi i institucioneve arsimore parashkollore sipas ligjit.
• Respektimi dhe afirmimi i të drejtave të komuniteteve dhe anëtarëve të tyre.
• Identifikimi i nevojave për aftësim profesional të drejtorëve dhe mësimdhënësve.
• Trajnimi i mësimdhënësve dhe stafit tjetër profesional.
• Përkujdesja për zhvillimin profesional të personelit në shkollat e komunës.
• Përkujdesja për zhvillimin e aspekteve tjera të arsimit lokal.
• Mbikëqyrja e procesit arsimor në pajtim me udhëzimet e MASHT-it.
• Përgatitja, miratimi dhe zbatimi i Rregullores së punës për shkollat.
• Miratimi i pushimeve të shkollës dhe rregullave të shkollës.
• Marrja e vendimeve për ankesat ndaj institucioneve arsimore.
• Miratimi i rregulloreve për sjelljen dhe disiplinën e nxënësve.
• Nxitja e bashkëpunimit ndërmjet mësimdhënësve, prindërve, nxënësve dhe institucioneve arsimore.
• Bashkëpunimi me komunat tjera në projekte të përbashkëta arsimore.
• Përcaktimi i zonave specifike të mbulimit nga shkollat.
• Kujdesi për mirëmbajtjen dhe renovimin e ndërtesave dhe pajisjeve arsimore.
• Marrja e masave për sigurimin e ambientit të sigurt rrethues të shkollave.
• Arritja e objektivave të shëndetit publik përmes aktiviteteve shkollore dhe jashtëshkollore.
• Shqyrtimi i masave për realizimin e arsimit special.
• Vlerësimi i nevojave speciale të nxënësve.
• Propozimi për arsim special dhe vlerësim profesional për nxënësit.
• Propozimi për themelimin e shërbimeve këshilluese dhe shëndetësore për nevojat speciale.
• Ushtron edhe kompetenca tjera të bartura me ligj ose nga pushteti qendror.

Fusha e Kulturës, Rinisë dhe Sportit

• Udhëheqja me resurset kulturore lokale, përfshirë muzetë dhe trashëgiminë kulturore.
• Bën publike shumën e buxhetit vjetor për aktivitete kulturore, rinore dhe sportive.
• Përpilon rregullore për dorëzimin e aplikacioneve për grante dhe caktimin e tyre.
• Organizon shënimin e datave me rëndësi historike.
• Organizon debate për zhvillim dhe avancim të kulturës, rinisë dhe sportit.
• Mbledh të dhëna mbi të arriturat në kulturë, rini dhe sport.
• Mbështet aktivitetet kulturore, rinore dhe sportive dhe renovimin e tyre.
• Bashkëpunon me qytete, OJQ dhe organizata tjera.
• Përkrah asociacione, klube, shoqata dhe individë me aftësi kreative pa dallim.
• Kujdeset për formacione të tjera sportive që nuk kanë hapësirë dhe kushte pune.

Të dhënat personale

Data e lindjes: 5 Qershor 1977

Vendlindja: Gjakovë, Kosovë

Shkollimi: Universitar

Drejtimi: Gjuhë Angleze

Gjuhë të huaja: Angleze, Gjermane

Kompetencat e Drejtorisë për Shëndetësi dhe Mirëqenie Sociale

• Harton strategjinë për kujdesin parësor shëndetësor, që përfshin promovimin, parandalimin, trajtimin dhe rehabilitimin e sëmundjeve, çrregullimeve dhe lëndimeve, edukimin shëndetësor dhe imunizimin.
• Siguron diagnostifikimin e parë dhe kujdesin themelor shëndetësor, përfshirë ndërhyrjet e vogla kirurgjike, promovimin e shëndetit oral dhe kujdesin themelor stomatologjik.
• Ofron kujdes shëndetësor mendor të bazuar në bashkësi.
• Siguron cilësinë e ushqimit dhe të ujit.
• Siguron ofrimin e shërbimeve sociale dhe familjare brenda territorit të komunës sipas standardeve të ministrisë përkatëse.
• Kryen shërbime sociale dhe familjare përmes aktiviteteve të Qendrës për Punë Sociale (QPS) ose përmes financimit dhe mbështetjes materiale për organizatat joqeveritare.
• Vlerëson nevojat lokale dhe vendos objektivat lokale për kujdesin parësor shëndetësor.
• Zhvillon buxhetin bazuar në nevojat lokale dhe udhëzimet e Ministrisë së Shëndetësisë.
• Vendos dhe mbledh bashkë-pagesat, si dhe liron kategoritë e caktuara brenda kornizës së përcaktuar nga MSH-ja.
• Siguron ofrimin e shërbimeve shëndetësore për qytetarët.
• Raporton për arritjen e objektivave të përcaktuara nga Kryetari dhe Kuvendi i Komunës.
• Zhvillon, monitoron dhe zbaton rregulloret në fuqi.
• Zbaton normat dhe standardet e infrastrukturës dhe burimeve njerëzore të miratuara nga MSH-ja.
• Ka të drejtë të posedojë, zhvillojë dhe përdorë pronën për sigurimin e strehimit social të personave brenda territorit të komunës.
• Monitoron dhe bashkëpunon me QPS-në rreth përkujdesjes së rasteve sociale të popullatës.
• Bashkëpunon me MSH-në për mbrojtjen e kategorive të rrezikuara të fëmijëve dhe kategorive tjera përmes QPS-së në nivel lokal.
• Ushtron kompetenca dhe përgjegjësi tjera që dalin nga ligjet, Statuti i Komunës dhe aktet nënligjore.

Veprimtari shtesë të drejtorisë

• Mbikëqyr situatën epidemiologjike në nivel komunal.
• Mbledh dhe analizon informata në nivel lokal.
• Përcakton prioritetet lokale dhe objektivat në bazë të informatave dhe strategjisë së kujdesit parësor shëndetësor.
• Shfrytëzon të dhënat e nivelit të qarkut dhe Kosovës për analizimin e cilësisë së shërbimeve dhe përdorimin efektiv të burimeve.
• Merr masa për mbrojtje shëndetësore lidhur me ujin e sigurt, higjienën, ushqimin e sigurt dhe aktivitetet e dezinfektimit dhe deratizimit.
• Koordinon dhe mbikëqyr punën e QMF-së.
• Ndërmerr fushata sensibilizuese me organizata qeveritare dhe joqeveritare dhe harton marrëveshje bashkëpunimi.
• Raporton lidhur me ofrimin e shërbimeve dhe të arriturat komunale në këtë fushë.
• Propozon lirime nga pagesat e shërbimeve ndaj qytetarëve në pajtim me kriteret ligjore.
• Merr hapa për identifikimin e natyrës dhe përmasave të nevojës për shërbime sociale dhe familjare.
• Përgatit plane vjetore për zhvillimin dhe mirëmbajtjen e shërbimeve sociale dhe familjare.
• Mban shënime statistikore për shërbimet sociale.
• Koordinon dhe mbikëqyr punën e Qendrës për Punë Sociale.
• Përkujdeset për sigurimin e strehimit për të pastrehët.
• Regjistron dhe licencon qendrat për përkujdesje dhe punësim.

Të dhënat personale

Data e lindjes: 12 Shtator 1990

Vendi i lindjes: Gjocaj, Kosovë

Shkollimi: Universitar

Drejtimi: Juridik

Gjuhë të huaja: Angleze

Kompetencat e Drejtorisë për Shërbime Publike dhe Inspeksion

• Përcakton dhe mbikëqyr ofrimin e shërbimeve publike lokale, duke përfshirë furnizimin me ujë, rrjetin e ujësjellësit, kanalizimin dhe përpunimin e ujërave të zeza.
• Organizon mirëmbajtjen verore dhe dimërore, si dhe pastrimin e rrugëve, trotuareve dhe rrugëve lokale.
• Organizon mirëmbajtjen dhe zhbllokimin e rrjetit të kanalizimit atmosferik.
• Organizon sigurimin dhe mirëmbajtjen e parqeve publike, hapësirave të gjelbëruara, hapësirave publike dhe varrezave.
• Koordinon aktivitetin dhe jep pëlqime për transportin publik të udhëtarëve dhe mallrave, në bashkëpunim me kompanitë publike dhe operatorët ekonomikë.
• Cakton linjat dhe rendin e udhëtimit për transportin publik të udhëtarëve.
• Bën menaxhimin e shërbimit “Merimanga” dhe organizon procedurat për ankand publik për automjetet e konfiskuara.
• Bashkëpunon me Policinë për rregullimin e komunikacionit dhe ngritjen e sigurisë, veçanërisht afër shkollave dhe institucioneve parashkollore.
• Bën sinjalizimin vertikal dhe horizontal të rrugëve ekzistuese dhe rregullon komunikacionin brenda territorit të Komunës.
• Bën mbylljen e rrugëve për raste të veçanta si festa shtetërore, punë publike dhe raste të ngjashme.
• Bashkëpunon me kompanitë shërbyese për çmimet e ujit, kyçjet, ndërhyrjet teknike dhe orarin e reduktimeve.
• Bën furnizimin me ujë të pijshëm me cisterna dhe rezervuarë të veçantë.
• Jep leje për shfrytëzimin e hapësirave publike dhe kujdeset për mirëmbajtjen e sipërfaqeve gjelbëruese, parkingjeve dhe hapësirave tjera publike.
• Ofron shërbim kujdestarie për eliminimin e qenve endacakë.
• Mbikëqyr realizimin e punëve për rregullimin e gjelbërimit dhe shqyrton kërkesat e ndryshme.
• Është përgjegjëse për dhënien e lejeve për shfrytëzimin e hapësirave publike para lokaleve hoteliere, foltoreve publike dhe pajisjeve lëvizëse tregtare.
• Është përgjegjëse për ndriçimin publik, tabelat reklamuese dhe reklamat ndriçuese.
• Merr pjesë në komisionet për pranimin teknik të punëve të kryera në ndriçimin publik dhe sinjalizim.
• Bën menaxhimin, kontrollimin dhe pastrimin e të gjitha shesheve që i përkasin komunës.
• Ofron raporte vjetore për MAPL lidhur me gjatësinë, llojin dhe kushtet e rrugëve lokale.
• Konsultohet me nivelin qendror për ndërtimin, riparimin ose ndryshimin e rrugëve ndërkomunale që ndikojnë në komunë.
• Është kompetente për lëshimin e lejeve për vendosjen e pengesave rrugore (policë të shtrirë).
• Ushtron kompetenca tjera të përcaktuara me ligj, Statut dhe aktet nënligjore.
• Bën vlerësimin e rrezikshmërisë nga fatkeqësitë natyrore dhe fatkeqësitë tjera, si dhe harton plane mbrojtëse në pajtim me ligjin.