Komiteti për Politikë dhe Financa (KPF) është komitet i përhershëm dhe organi kryesor i Kuvendit të Komunës, i cili kryesohet nga Kryesuesi i Kuvendit dhe përbëhet nga anëtarë të Kuvendit Komunal, duke reflektuar përfaqësimin e entiteteve politike.
KPF është përgjegjës për shqyrtimin e të gjitha politikave strategjike, Kornizës Afatmesme Buxhetore (KAB), buxhetit vjetor komunal dhe ndryshimeve të tij, planit vjetor të prokurimit, planit të auditimit të brendshëm, si dhe rregulloreve për taksat, tarifat dhe ngarkesat komunale.
Shqyrton rregullisht raportet ekonomiko-financiare dhe zbatimin e planeve investuese nga Kryetari i Komunës dhe Drejtoria e Financave. Gjithashtu, propozon raportin vjetor dhe përgatit rekomandimet përfundimtare për vendimmarrje në seancat e Kuvendit Komunal.
