“Jam për herë të parë në Junik në cilësinë e zv.kryeministrit dhe ministrit të MAPL, ndaj dëgjova nga kryetari Agron Kuqi për sfidat e shumta që ka kjo komunë dhe i premtova mbështetjen e Qeverisë së Kosovës në zgjidhjen e tyre. Qeveria e Kosovës ka një qasje të njëjtë për të gjitha komunat e Kosovës pa marrë parasysh nacionalitetet”, theksoi Petrovic duke premtuar 100 mijë euro për projektet prioritare që kanë të bëjnë me ndërtimin e infrastrukturës dhe ne fusha tjera.
Ministri i MAPL tha se do të punoj me kapacitet të plotë që kompetencat mes nivelit qendror dhe atij lokal të definohet sa më shpejtë në mënyrë që komunat mos të kenë probleme të natyrës së koordinimit mes dikastereve Ministror të Qeverisë.
"Kemi vizituar shumicën e komunave dhe kontaktet me përfaqësuesit e institucioneve komunale mbeten pjesë e agjendës ditore të MAPL-së. Ne jemi këtu për të ndërtuar politika që favorizojnë qeverisjen lokale dhe që interesat e qytetarëve të komunës suaj të vihen në rend të parë, aq më tepër kur Juniku është komunë e re por njihet me tradita qytetare ” tha Petrovic duke premtuar përkrahjen e tij të plotë për ti implementuar projektet me interes për qytetarët.
Ndërkaq kryetari komunës së Junikut Agron Kuqi pasi ka përmendur gjendjen e komunës për kohën sa është themeluara dhe arritjeve të deritashme ka theksuar shumë sfida me të cilat po ballafaqohet, mes të tjerave papunësinë.
“Ne presim një mbështetje më të madhe të Qeverisë së Kosovës dhe një tretman të barabartë me gjitha komunat tjera, ndërkohë që jemi të gatshëm për bashkëpunim që shkon për të mirën e qytetarit” tha Kuqi duke kërkuar që MAPL të përkrah edhe projektet e shoqërisë civile që kanë të bëjnë me ndërtimin e infrastrukturës në komunë
Zëvendëskryeministri i Kosovës dhe Ministri i Administrimit të Pushtetit Lokal, (MAPL) Slobodan Petrovic qëndroi të enjten në Junik ku me kryetarin e komunës Agron Kuqi u morën vesh që të përkrahen projektet e komunës që kanë prioritet në ndërtimin e infrastrukturës për të mirën e qytetarëve.
