Do të përgjigjemi në të gjitha pikat një nga një të ofruara në raport sipas radhës:
1. E dhëna e raportit prezanton gjendjen deri diku reale që Agron Kuçi dhe AAK kanë fituar mandatin për të qeverisur me Junikun në koalicion me PDK. Mirëpo raportet e Kryetarit dhe të Nënkryetarit nuk janë dajë dhe nip por janë marrëveshje e dy subjekteve politike, ndërsa pozita e Nënkryetarit është e plotësuar sipas kërkesës së PDK-së, Dega në Junik.
2. Pika e dytë, ka mjaftë të dhëna të pasakta si për shembull: Juniku është bërë Komunë me kompetenca të plota jo në vitin 2010 por në vitin 2008, me hyrjen në fuqi të Ligjit mbi Vetëqeverisjen Lokale. Komuna e Junikut para se të jetë Pilot Njësi Komunale ka qenë pjesë territoriale e Komunës së Deçanit dhe jo e Komunës së Gjakovës, dhe numri i banorëve të Junikut nuk është 6084 banorë por sipas dokumenteve zyrtare është 9600 banorë.
3. Në pikën tre, raporti prezanton sipërfaqen e Komunës së Junikut me 74 km², kjo e dhënë është e pasaktë sepse sipas dokumenteve kadastrale territori i Komunës së Junikut ka 77.7 km².
4. Të dhënat në këtë pikë pasqyrojnë të dhënat reale të përbërjes politike të Kuvendit të Komunës.
5. Hulumtimet e bëra nga UNDP nuk mund ti komentojmë dhe i marrim si të sakta pavarësisht se komuna momentalisht nuk i ka këto shënime.
6. Hulumtimet e vitit 2009 të Institutit GAP mund të jenë të sakta, mirëpo gjendja deri me tani ka një ndryshim rrënjësor p.sh: gjatë viteve 2010, 2011, 2012 dhe 2013 Komuna së bashku me MBPZHR dhe donatorë të tjerë, ka bërë investime të mëdha në rregullimin dhe ndërtimin e sistemit të ujitjes për tokat bujqësore. Është punuar nga Komuna dhe donatorët në zhvillimin e turizmit tradicional, është bërë restaurimi dhe ndërtimi i kullave, Qendrës Rajonale për Turizëm, Bibliotekës Komunale, Muzeut Komunal dhe janë prodhuar dokumentet të rëndësishme strategjike për zhvillimin e turizmit. Pylltaria si sektor gjatë kohës sa ka qenë përgjegjësi e Komunës nga Agjensioni Pyjor i Kosovës është vlerësuar si Komuna më e suksesshme.
7. Problemi i mbeturinave: Juniku menaxhimin e mbeturinave e ka zgjidhur fillimisht me Kompaninë Publike “Higjiena”, në Deçan, mirëpo për shkak të pakënaqësive me punën e Kompanisë në fjalë, Komuna është detyruar që përmes tenderit publik të Kontraktoj një Kompani private e cila deri me tani ka një vlerësim pozitiv në largimin dhe bartjen e mbeturinave.
8. Kundërmimi i Kanalizimit: qyteti i Junikut është në pjesën më të madhe i përfshirë në sistemin e kanalizimit, mund të thuhet rreth 90%, Komuna është duke punuar intensivisht në ndërtimin e Impiantit më modern, i cili bënë trajtimin e ujërave të zeza.
9. Sa ju përket sallave të mbyllura të Edukatës Fizike në Shkolla, është e vërtetë se ende nuk janë të ndërtuara mirëpo në planet për vitin 2014 Komuna i ka bërë të gjitha përgatitjet për ndërtimin dhe funksionalizimin e sallave Edukatës Fizike në Shkollat Fillore dhe në Shkollën e Mesme. Rreth Sallave të Edukatës Fizike Komuna vetëm është në fazën e bisedave me donatorët për fillimin e ndërtimit të sallave të mbyllura të Edukatës Fizike.
10. Mungesa e Çerdhes: Është e vërtetë që Juniku nuk ka çerdhe të fëmijëve, arsyeja është numri i vogël i të interesuarve për shfrytëzimin e këtij shërbimi.
11. Stacioni i autobusëve: Komuna ka ndarë lokacionin për stacion ndërsa çështja e objektit nuk është qartësuar pasi që përgjegjësitë janë të përziera me nivelin qendror.
12. Qendra Kryesore e Mjekësisë Familjare dhe Drejtoria e Shëndetësisë janë në kërkim nga Ministritë për lejimin e rritjes së pozitave në QKMF, me qëllim të rritjes së numrit të mjekëve, respektivisht të punësojmë një pediatër dhe një gjinekolog. Përndryshe të gjitha shërbimet e tjera në QKMF janë funksionale dhe ofrohen për qytetarët junikas dhe të fshatrave përreth ashtu siç parashihet me ligj mbi shëndetësinë primare që është përgjegjësi e Komunës.
13. Sa i përket trendit buxhetor, raporti nuk prezanton gjendjen reale dhe i njëjti kryesisht është bazuar nga të dhënat e planit buxhetor për vitin 2013. Gjendja reale është krejt ndryshe nga ajo, arsyeja se në planin buxhetor nuk kanë figuruar disa pozicione të investimeve kapitale është sepse ato janë investime që Komuna ka përfituar nga donatorët e ndryshëm, si në vijim:
· Shuma prej 267.700.00 është vetëm pjesa e mjeteve nga buxheti komunal të parapara për investime kapitale, ndërsa shuma e mjeteve të marra nga donatorët është 2 – 3 herë më e lartë. Në vijim do ti prezantojmë disa prej këtyre donacioneve.
· MAPL vetëm këtë vit për dy projekte ka ndarë 104.380.00 euro. Shih Memorandumet e Mirëkuptimit të datës 19 Shtator 2013.
· Ministria e Infrastrukturës – MI, për vitin në fjalë ka alokuar 261.000.00 euro për dy projekte. Shih Memorandumet e Mirëkuptimit të datës 29 Prill 2013.
· CHWB ka investuar në rregullimin e bujtinave për katër projekte në vlerë prej 40.000.00 euro.
Nga shumat e cekura më lartë shihet se investimet kapitale në periudhën në të cilën raporton Instituti GAP janë 405.380.00 nga donatorët plus shuma e Komunës që është 267.700.00 euro, që gjithsejtë janë 673.080.00 euro.
Përpos këtyre investimeve në infrastrukturë, gjatë këtij viti Komuna ka investuar edhe në Zhvillim Ekonomik dhe atë:
· Komuna së bashku me Shoqatën e fermerëve “Kallavaji”, ka aplikuar në grandet e ndara nga MBPZHR për zhvillim të bujqësisë dhe ka fituar Grandin në vlerë prej 72.630.00 euro për projektin “Ndërtimin i Pendës për Ujitjen e Tokës Bujqësore”. MBPZHR ka ndarë 56.000.00 euro, kurse të tjerat Komuna.
· Së bashku me Komisionin Evropian po ndërtohet Objekti për përpunimin e frutave të malit në vlerë prej 288.825.15 euro, bashkëfinancim i Komisionit Evropian dhe Komunës. Komuna ka ndarë lokacionin dhe shumën prej 15.000.00 euro. Projekti pritet të përfundoj vitin e ardhshëm. Ky objekt do të bëjë grumbullimin dhe paketimin e frutave të malit dhe do të implementohet në partneritet me OJQ “CELIM MILANO” Itali dhe Komuna e Junikut.
· Në Komunën e Junikut me bashkëpunim të Komunës dhe KEDS – it, po ndërtohet Distributori i Energjisë Elektrike për rreth 35 mijë banorë, në vlerë prej 2 milion euro.
Përmbledhje:
Nga ajo që është prezantuar nga përgjigjet e dhëna në raportin e Institutit GAP, shihet se raporti në fjalë nuk prezanton as për së afërmi pasqyrën reale të gjendjes në Komunën e Junikut. Të dhënat e ofruara në këtë reagim janë të bazuara në dokumentacionin dhe ecuritë aktuale në të gjitha fushat e prezantuara. Për çdo gjë, Komuna është e gatshme të ofroj dokumentacion dhe fakte bindëse.
Si përfundim mund të vlerësojmë se raporti më tepër ka karakter tendencioz me qëllim të denigrimit të punës së Qeverisë Komunale në kohën parazgjedhore.
Raporti i Institutit GAP, i publikuar të mërkurën, mbi problemet kryesore dhe trendët buxhetor, marrë në ueb faqen e Institutit GAP.
Raporti në fjalë është me të dhëna të pa sakta në shumë fusha të cilat i përmbledhë ky raport. Mendojmë se të dhënat e ofruara në raport nuk kanë prezantuar gjendjen reale në Komunën e Junikut dhe si i tillë mund të konsiderohet që ka tendencë të denigrimit dhe nën vlerësimit te të arriturave të Komunës në këtë periudhë kohore. Për më tepër do t’iu ofrojmë të dhënat në vijim:
Normal
0
false
false
false
SQ
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-fareast-language:EN-US;}
