Kuvendi Komunal i Komunës së Junikut, sot u vizitua nga nxënës të klasave të treta të shkollës fillore të mesme të ulët “ Edmond Hoxha “ në Junik.
Këta nxënës që njëherë janë edhe ardhmëria e vendit tonë, nën përcjelljeje të kujdestarëve të tyre u priten nga drejtori i DKA- së z. Fatos Shala dhe Zyrtari i Lartë për arsim, kulturë, rini dhe sport z. Artan Krasniqi.
Këta nxënës fillimisht janë informuar për funksionet dhe organizmin e komunës së Junikut, si dhe të Kuvendit Komunal. Gjithashtu këta nxënës kërkonin njohuri të ndryshme rreth organizmit të komunës, investimeve, infrastrukturës, organizimeve kulturore etj. Këtyre pyetjeve me shumë respekt iu është përgjigjur z. Artan Krasniqi dhe z. Fatos Shala.
Nxënësit kishin përgatitur një program të vogël artistik një poezi dhe dy këngë të cilat për disa qaste na dhanë emocione shume te veçanta.
