Pasi që është bërë betimi i të gjithë anëtarëve të Kuvendit, betimin e ka bërë edhe Kryetari i Komunës z. Agron Kuçi duke thënë se “Unë Agron Kuçi, betohem që do t’i kryejë detyrat dhe do t’i ushtroj kompetencat si Kryetar i Komunës së Junikut, me nderë, besnikëri, në mënyrë të pa anshme, me ndërgjegje dhe në pajtim me ligjin, në mënyrë që të siguroj kushte për jetë të qetë për të gjithë”. Pas betimit të dhënë, Kryetari z. Agron Kuçi ka mbajtur një fjalë përshëndetëse duke vënë në pah objektivat që ka përgjatë mandatit të tij qeverisës për katër vitet e ardhshme. Në vazhdim e keni të plotë fjalën e Kryetarit Kuçi:
Të Nderuar asamblistë të sapo betuar, Urime, suksese dhe punë të mbarë në detyrën tuaj të re. E gëzofshi me punë të mbarë për të mirën e qytetarëve dhe vendit. Të Nderuar mysafirë, qytetarë të Komunës, media, përfaqësues të sektorit të rendit dhe ligjit, gjithë ju të pranishëm:
Më lejoni t’ju përshëndes ngrohtësisht për praninë tuaj madhështore me rastin e Konstituimit të Asamblesë së re Komunale.
Pas një procesi të rëndësishëm demokratik dhe politik të vendit dhe vendimi për të ardhmen, perspektivën dhe jetën e qytetarëve të Junikut dhe Komunës, më 1 dhjetor nuk kishte të mundur dhe fitues, sepse fituan qytetarët dhe vizioni për të ardhmen e Junikut. Juniku dhe qytetarët e vetë dhanë shembullin e urtisë dhe demokracisë së vërtetë, duke reflektuar, kulturë ,dinjitet dhe vlera të pakontestueshme njerëzore e qytetare.
Thjeshtë reflektuam pozitivitet dhe vizion të qartë për të sotmen dhe të ardhmen tonë.
Më 1 dhjetor fitoi Juniku ynë historik, Juniku i shekullit tonë të ri, Juniku i vlerave të veçanta historike, kulturore dhe Juniku i sotëm modern.
Gjatë bashkë udhëtimit tonë të dashur bashkëqytetarë ne kaluam nëpër sfida të shumta porse gjithmonë i tejkaluam ato ndershmërisht dhe me sukses, duke e bërë Junikun sinonim i suksesit të Komunave në Kosovë, dhe natyrisht ky sukses është traditë e trashëgimisë shumë të pasur kombëtare e kulturore të Junikasve, të cilët e ndërtuan ndër shekuj.
Arritjet tona të përbashkëta nuk ishin të vogla. Përkundrazi ato janë të shumta dhe ngado që ecim e shikojmë ato janë të prekshme dhe në shërbim të te gjithëve. Ne punuam dhe investuam në çdo segment të jetës publike si në: arsim, shëndetësi infrastrukturë, urbanizëm, shërbime publike, kulturë, trashëgimi, rini, sport, turizëm, bujqësi, administratë dhe shumë segmente të tjera. Pas përpjekjeve të vazhdueshme, në kërkim dhe implementim të objektivave tona zhvillimore qeverisëse kemi filluar hapjen e rrugës Junik – Gjeravicë , me gjatësi 20 km dhe se ajo po vazhdon me sukses edhe sot e kësaj dite. Këtë projekt do ta vazhdojmë me besnikëri, sepse është projekt i perspektivës dhe të ardhmes së qytetarëve dhe Komunës tonë.
Me një fjalë, falë punës sonë të përbashkët, Juniku sot ka një pamje krejtësisht të re. Ne sot shprehim gatishmërinë tonë për ri mobilizim që programit tonë politik t’i japim shpirt dhe ti hapim rrugë zhvillimit ekonomik për ta bërë edhe më të mirë jetën e junikasve.
Sot kur edhe njëherë unë kam marrë besimin tuaj për të udhëhequr me Junikun edhe në mandatin e ardhshëm katërvjeçar zotohem para jush se do të punoj me nder dhe përkushtim maksimal që kjo histori e re e Junikut të vazhdoj ritmin e saj në shërbim të së ardhmes për të gjithë ne por edhe për gjeneratat që do të vijnë pas nesh.
Duke e vlerësuar lartë besimin tuaj zotohem se do të përmbush me përpikëri programin tonë të zhvillimit, program të cilin gjatë gjithë fushatës elektorale shumë herë e kemi elaboruar pikë për pikë. Program i cili ngërthen në vete, zhvillim të qëndrueshëm ekonomik, gjenerim të vendeve të punës, rregullim të infrastrukturës publike, mbrojtje dhe ruajtje të mjedisit, shfrytëzim të resurseve natyrore, kulturore dhe avancim të atyre njerëzore, ngritje të standardit jetësor, ndërtim të identitetit kulturor-historik, natyror, social dhe ekonomik, për më shumë realizimin e objektivave, vizionit dhe ëndrrës së qytetarëve Junikas, ” Për Junikun Vërtetë UNIK”.
Zotohen se do të punoj ngushtë me të gjithë përfaqësuesit e të gjitha subjekteve politike dhe kategorive tjera publike, sociale, kulturore, sportive, afariste, fetare, intelektuale, media etj, duke qenë sinonim i unitetit politik dhe në shërbim të qytetarit tonë të Junikut.
Profesionalizmi, respektimi i vlerave e parimeve të demokracisë dhe angazhimi permanent në punë do të jenë veçoritë që do ta përcjellin dhe karakterizojnë udhëheqjen e Komunës së Junikut edhe gjatë këtij mandati të cilin po e fillojmë sot së bashku.
Bashkërisht, na priftë e mbara për të mirën e Junikut tonë !
Edhe njëherë dua t’ju falënderoj nga zemra për besimin tuaj në vizionin tonë, në vlerën tonë dhe në ndershmërinë tonë për të rrugëtuar së bashku edhe për katër vitet e ardhshme. Faleminderit!
Pas fjalës së Kryetarit, Aleanca për Ardhmërinë e Kosovë ka propozuar për Kryesues të Kuvendit Komunal z. Faik Tofaj. Propozime të tjera nuk kishte, kështu që me 9 vota për dhe 6 abstenime, zgjidhet Kryesues i Kuvendit Komunal të Junikut z. Faik Tofaj, për legjislativin e ardhshëm katër vjeçar.
Në fjalën e tij, pas marrjes së votëbesimit z. Faik Tofaj, ka falënderuar të gjithë për besimin e dhënë dhe ka premtuar se do të bashkëpunojë me të gjithë, pa dallime partiake, vetëm në të mirë të qytetarëve dhe të vendit.
Nën kryesimin e z. Nevruz Krasniqi, si anëtari më i vjetër i Kuvendit Komunal të Junikut, sot është mbajtur mbledhja inauguruese e Kuvendit të Komunës, me ç ‘rast është bërë betimi nga anëtarët e Kuvendit dhe Kryetari z. Agron Kuçi si dhe është zgjedhur Kryesuesi i Kuvendit Komunal. Kryesuesi z. Nevruz Krasniqi ka thënë se agjenda e mbledhjes inauguruese është përcaktuar me kohë dhe se e njëjta agjendë është unike për të gjitha Komunat e Republikës së Kosovës.
Normal
0
false
false
false
SQ
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-fareast-language:EN-US;}
