Në këtë Akademi, pjesëmarrëseve ju ka drejtuar me disa fjalë, edhe Kryetari i AAK-së dhe ish Komandaniti i Zonës Operative të Dukagjinit z. Ramush Haradinaj me bashkëpunëtorë. Zoti Haradinaj në fjalën e tij, përshendeti familjarët e dëshmorëve të Betejës së Zharrës dhe gjithë dëshmorëve dhe të rënëve të tjerë.
Me rastin e kësaj dite, Kryetari i Komunës z. Agron Kuçi me bashkëpunëtorë dhe qytetarë, bëri homazhe tek vendet e të rënëve në Zharre, tek shtatorja e Edmond Hoxhës dhe pranë Lapitarit në Qendër të Junikut.
Në vazhdim po e prezantojmë fjalën e Kryetarit të Komunës z.Agron Kuçi, mbajtur në Akademi:
Të Nderuar familjarë të dëshmorëve dhe martirëve të kombit, i Nderuar z.Haradinaj, veteran dhe invalidë të Luftës së UÇK-së, përfaqësues të institucioneve nga të gjitha nivelet, media të respektuara, bashkëqytetarë të Junikut, zonja dhe zotërinjë, të nderuar të pranishëm, mirë se keni ardhur në këtë Akademi Përkujtimore, e cila organizohet në nderim të Epopesë së Zharrës dhe gjithë dëshmorëve e martirëve, të rënë gjatë luftës së lavdishme të Ushtrisë Çlirimitare të Kosovës.
Të rralla janë lëvizjet ushtarake e politike për çlirim kombëtarë gjatë gjithë historisë sonë, të cilat nuk janë përkundur e rritur, në djepin liridashës të Junikut historik.
Për këtë të vërtetë flasin: Kuvendi i Pajtimit i vitit 1877, Kuvendi i Junikut i vitit 1912, Neutrali I Junikut, si dhe përpjekjet e sakrificat e vazhdueshme të junikasve para dhe gjatë gjithë luftës së Dytë Botërore, kundër atyre forcave që ëndërronin ta kthenin përsëri sistemin e Jugosllavisë së vjetër, si lufta e njohur, rrethimi i Junikut, Komiteti për Mbrojtjen e Kosovës e deri te lufta e fundit e Ushtrisë Çlirimtare të Kosovës, gjatë viteve 1998/1999.
Si i tillë, Juniku ishte çerdhe e pazëvendësueshme, ku u strehuan dhe vepruan për të mirën e atdheut dhe lirinë e tij, patriotë të shquar të kohës si: Hasan Prishtina, Bajram Curri, Azem Bejta, Bedri Pejani, Muharrem Bajraktari, Demë Alijaj e shumë e shumë patriotë të tjerë, të cilët janë përpjekur të gjejnë forma të përshtatshme për të luftuar kundër okupatorëve të ndryshëm gjatë gjithë historisë.
Pra Juniku, kjo qendër patriotike e popullit tonë, që nga Lidhja Shqiptare e Prizrenit është sakrifikuar për atdhe, duke derdhur djersën dhe gjakun e njomë të bijëve më të mirë të tij, që nga viti, 1912, 1913, 1923, 1941, 1944-1945, 1948, 1956. Ishte kjo kohë kur, Juniku shifej në të gjitha Jugosllavitë si pika e zezë, vendi më reaksionar dhe më i rrezikshëm. Vetëm në fund të vitit 1944 nga makineria okupatore serbe plotë mllef, urrejtje dhe barbari kundër shqiptraëve, i pushkatuan burrat më të mirë, luftëtarët e devotshëm të Junikut mbi 50-të, krye me Ali Bajraktarin e Avdyl Hoxhën.
Është shumë i gjatë vargu i Junikasve, të cilët i dolën zot vendit të tyre, në momentet më të vështira të historisë, çdo herë kur rrezikohej vetë qenja e këtij populli të lashtë iliro-dardan.
Prandaj, natyrshëm që Juniku edhe gjatë luftës së fundit heroike në Kosovë, nxori nga gjiri i vetë djemtë më të mirë të tij për ta shënuar një faqe të re të lavdisë në historinë më të re të shqiptarëve në Ballkan.
Pushka lajmëtare e lirisë së Edmond Hoxhës që u lind në kullat e Qëndresës në Junik, në Pestovë të Vushtrrisë paralajmëroi se junikasit jo vetëm që nuk e kanë harruar amanetin e të parëve të tyre, por se veq sa e kanë përkundur e kultivuar për ditët që nuk do të vononin shumë.
Ndaj të nderuar të pranishëm!
Jemi mbledhur sot në këtë fund Korrik, në këtë Akademi Përkujtimore për t’i kujtuar ngjarjet shumë të rëndësishme të historisë sonë më të re, jo më shumë se 15 vjetë më parë, kur këtu në këtë çerdhe të patriotizmit luftohej për jetë a vdekje ndaj një makinerieve vrastare, shumë fish më të përgaditur në aspektin ushtarak por shumë më e papërgaditur në aspektin moral, sepse ishin të vetëdijshëm se luftonin në tokë të huaj, pra në tokën tonë stërgjyshore.
Krismat e para në Prekaz dhe sidomos jehona e pushkëve të lirisë më 24 Mars të vitit 1998 në Gllogjan, u bënë Kushtrim edhe për shumë djem të Junikut, të cilët pa asnjë hezitim iu bashkuan luftës për liri, mbase e kishin edhe një motiv shtesë, sepse në ballë të saj doli një djalosh atdhetar, nga familja emlematike e Haradinajve, i cili shumë shpejtë do të bëhej bartës i luftës për liri dhe shembull i një patrioti të paepur për lirinë e popullit të tij, në rrethana tepër të vështira.
Në rrugën e lirisë së këtij prijësi dhe strategu, padyshim u radhitën edhe djemtë e Junikut, 20-të prej të cilëve sot janë dëshmorë të kombit: Edmondi, Ismeti, Gëzimi, Xhaferi, Avdyli, Shkelzeni, Arifi, Fadili, Bashkimi, Ademi, Shabani, Mehmeti, Isaja, Sadiku, Bajrami, Jaha, Musa, Bujari e Besniku, e shumë e shumë të tjerë, të cilët me shumë pijetet po i nderojmë e përkujtojmë sot.
Korriku i vitit 1998, sidomos 28 Korriku “Beteja e Zharrës”, aq e madhe dhe e lavdishme, do t’i lartësojë në pavdekësi dëshmorët e kombit, Avdyl Jasiqin, Shkëlzen Gacaferin dhe Arif Gjocin, të cilët dhanë shembullin e sakrificës dhe atdhedashurisë për tokën dhe emrin e shqiptarisë.
Në Gusht të vitit 1998 në mbrojtje të Junikut dhe Kosovës do të bien edhe dëshmorët Bedri Shala, Bekim Berisha, Elton Zherka, Përmet Vula e Bashkim Leku, të cilët me gjakun e tyre u bënë themel i lirisë, që po trokiste në zemrat e të gjithë shqiptarëve.
Edhe betejat e lavdishme të Kosharës, do të kenë protagonistë djemtë e Junikut, si bërthamat e para të themelimit të Brigadës “138 Agim Ramadani”, atdhetarë dhe çlirimtarë të vërtetë si Fadil Maloku e Bashkim Jasiqi.
Ndërsa këtij numri të dëshmorëve, iu bashkohen në përjetësi edhe mbi 60 martirë të rënë për lirinë e Kosovës, në Masakrën më të madhe që bëri makineria vrastare e Serbisë në Meje.
Ky është çmimi i lirisë që Juniku e dha vetëm gjatë luftës çlirimtare të Kosovës gjatë viteve 1998/1999.
Njohja dhe legjitimiteti i UÇK-së, nga ana e Ambasadorit amerikan Richard Holbrook, në Qershor të vitit 1998, është një pjesë tjetër e lavdishme e histories së Junikut dhe Kosovës.
Shndërrimi i Junikut në zone, nga kaluan mbi pesëdhjetë mijë vullnetarë e armatim, është një kontribut i jashtëzakonshëm në luftën tonë për liri.
Në themelet e lirisë sonë, sot shëndrit gjaku i të rënëve për lirinë që po e gëzojmë.
Të nderuar të pranishëm!
Duke u krenaruar me të kaluarën tone, jemi të vetëdijshëm për obligimet dhe përgjegjësitë që kemi para vetës, në ndërtimin e një jete më të mirë, për ne dhe për gjeneratat që do të vijnë pas nesh. Kjo rrugë është po aq e mundimshme, sa edhe vetë rruga e lirisë, por ne do të jemi të vendosur që amanetin e të rënëve për një shtet të mosvarun, modern e demokratik ta shpiejmë në vendin ku ata deshtën.
Ndaj ne sot me shumë respekt dhe plotë admirim i përulemi veprës, heroizmit dhe shembullit të tyre atdhetarë.
Lavdi Betejës së Zharrës, Lavdi Dëshmorëve, martirëve të Junikut e të atdheut të rënë nëpër vite e kohë!
Normal
0
false
false
false
SQ
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-fareast-language:EN-US;}
Në nderim dhe kujtim të Epopesë së Lavdishme të UÇK-së “Beteja e Zharrës”, është organizuar Akademi Përkujtimore, me ç’rast Kryetari i Komunës z.Agron Kuçi me një fjalë rasti i përshendeti të pranishmit dhe përkujtoj veprën e lavdishme të dëshmorëve të kësaj beteje dhe të gjithë dëshmorëve, martirëve dhe të rënëve për liri.
Normal
0
false
false
false
SQ
X-NONE
X-NONE
/* Style Definitions */
table.MsoNormalTable
{mso-style-name:”Table Normal”;
mso-tstyle-rowband-size:0;
mso-tstyle-colband-size:0;
mso-style-noshow:yes;
mso-style-priority:99;
mso-style-parent:””;
mso-padding-alt:0in 5.4pt 0in 5.4pt;
mso-para-margin-top:0in;
mso-para-margin-right:0in;
mso-para-margin-bottom:10.0pt;
mso-para-margin-left:0in;
line-height:115%;
mso-pagination:widow-orphan;
font-size:11.0pt;
font-family:”Calibri”,”sans-serif”;
mso-ascii-font-family:Calibri;
mso-ascii-theme-font:minor-latin;
mso-hansi-font-family:Calibri;
mso-hansi-theme-font:minor-latin;
mso-fareast-language:EN-US;}
